sru:version: 1.2; sru:query: fcs.rf="mecmua.1_174"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.1_174"; sru:baseUrl: ; fcs:returnedRecords: 1; fcs:duration: PT0.025S PT0.037S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.1_174</phrase></query>)];

158 Sözüñi muḥtaṣar [!] müfīd eyle
Biñini ṭarḥ ėdüb birin söyle

159 Her marīża devā ne yüzden olur
Her ʿalīle şifā ne yüzden olur

160 Şol mücerreb ki pīrüm ėtmişdür
[...] tā kemāle yėtmişdür

161 Her işüñ ṣıḥḥatine kim yėtdüm
Ġayri yoq heb anı beyān ėtdüm

162 Bilmedügüm işe şürūʿ ėtmem
Kimse gitmedügi yola gitmem

163 Diñle imdi diyem nedür maqṣūd
Ger ʿināyet ėderse ol maʿbūd

der‑beyān‑i muʿālece‑i dimāġī

164 Ger dimāġı ola ṣovuqdan yaş
Diñle ėdem ʿilācını ki fāş

165 Ḥabb‑i sevdāyı saḥq ėdüp anı
Zeyt yaġıyla ḫall qıl anı

166 Ṣızub ol yaġı burnına ṭamzur
Qurtar anı bu ̮ʿalīli ol emdür

der‑beyān‑i ʿilāc‑i nāzile

167 Nāzile kim ġıdā buḫārından
Elem‑i ṣaʿbdur bu [...]

168 Göz qulaq dişi bu helāk eyler
Ṣaġ‑iken baş[ı] derd‑nāk eyler

169 Yarpuzı dögüben ṣıqub ṣuyın al
Rubʿ miqdārı sirkeden aña ṣal

170 Anı ḫınnā [!] ile ḫamīr eyle
Ol ṣu‑yile ḫınayı sīr eyle

171 Var ḥammāma gir otur bir ān
Hem terāş ol çıqubanı ey cān

172 Ol yaquyı başuña ur fī l‑ḥāl
Bürünüb yat uyu şehā der‑ḥāl

173 Nāzileyi çeküb yıġar başa
Yüri beyża gibi döner ṭaşa

174 Aña şīşe çeküp ḥecāmet qıl
Gelmez ayrıq saña bu ʿillet bil

der‑beyān‑i devā‑i ṣudāʿ

175 Başuñ aġrısı kim ṣovuqdan ola
Issılarla devā gerekdür aña

176 Issıdan olana ṣovuq dermān
Ḥükemā qavlidür unutma hemān

177 Żıddı ile olur ʿilāc u devā
Tā ki żāyiʿ ola ṣudāʿ u ʿanā